Шилмэл загварын ордон, Монголын дизайнеруудын холбооноос хамтран зохион байгуулсан "Гоёл-2010” наадам өндөрлөв. Уг наадамд нийт 60 гаруй загвар өмсөгч оролцсоноос Ч.Уранбилэг "Toп модель" өргөмжлөл хүртлээ.
Отгон топ модель болсон Ч.Уранбилэг нь "Монгол модель" агентлагийн загвар өмсөгч юм. Мөн Азийн топ модель Д.Болормаагийн шавь аж. Ийнхүү Монголын загварын ертөнц 11 топ модельтой боллоо.
Ч.Уранбилэгийн хувьд өнгөрсөн жил болсон "Miss global city" шалгаруулалтад амжилттай оролцож, "Дорнын тэргүүн мисс" өргөмжлөл хүртэж байсан бол "Мисс Монголиа" тэмцээнд фото миссээр өргөмжлөгдөж, "Гоёл 2006" наадмын тэргүүн дэд байрт шалгарч байжээ.
Т.Батсайхан