Эрүүл мэндийн сайд, Онцгой байдлын ерөнхий газрын даргын энэ оны арваннэгдүгээр сарын 23-ны өдрийн тушаалаар ийн хэрэгжүүлэх гэж аж. Үүнд хүн амын эрсдэлт бүлэг, өөрийн орон дахь өвчлөлийн тархвар судлалын байдал, вакцины хүрэлцээ зэргийг үндэслэн тархвар судлалын заалтаар дархлаажуулах ажлыг дөрвөн үе шаттайгаар хэрэгжүүлэхээр төлөвлөжээ.
Томуугийн цартахлын вакциныг Эрүүл мэндийн яам бүртгэн эмийн болон халдварт өвчин тархвар судлалын салбар зөвлөлийн хамтарсан хурлаар хэлэлцэн хэрэглэх зөвшөөрөл олгохоор ажиллаж байна.
Засгийн газрын хөрөнгөөр Франц улсын Санофи Растерийн үйлдвэрийн "PANENZA" вакциныг нийлүүлсэн. Тархвар судлалын байдлыг харгалзан үзээд Баянзүрх дүүргийн 5-14 настай хүүхдүүд, Дауны хам шинжтэй хүүхэд, зарим эмнэлгийн ажилчдыг вакцинжуулахаар болжээ. Иймд Баянзүрх дүүргийн эрүүл мэндийн нэгдлийн эмч, вакцинатор нарт нэг өдрийн сургалтыг энэ сарын 19-нд зохион байгуулах гэж байна.
О.Урантогос